O‘zbekistonning pedagogika oliy o‘quv yurtlarida maktabgacha ta’lim bo‘yicha bepul qayta tayyorlash kurslari ochildi

O‘zbekistonning barcha viloyatlardagi pedagogika oliy o‘quv yurtlarida maktabgacha ta’lim bo‘yicha bepul qayta tayyorlash kurslari o‘z faoliyatini boshladi.

22-fevral kuni Nizomiy nomidagi Toshkent davlat pedagogika universitetida maktabgacha ta’lim muassasalarini yuqori malakali defektolog (logoped), amaliy psixologiya va  Nizomiy nomidagi Toshkent davlat pedagogika universiteti huzuridagi xalq ta’limi xodimlarini qayta tayyorlash va ularning malakasini oshirish hududiy markazida maktabgacha ta’lim muassasasi tarbiyachisi qayta tayyorlov kurslariga qabul qilingan tinglovichlar uchun o‘quv mashg‘ulotlari boshlandi.

Ta’kidlash lozimki, universitetda o‘quv mashg‘ulotlari zamonaviy pedagogik, multimedia va axborot-kommunikatsiya texnologiyalari hamda ilg‘or xorijiy tajribalardan keng foydalangan holda tashkil etilib, barcha auditoriyalar zamonoviy onlayn ma’ruzalar uskunalari bilan ta’minlangan.

Ma’lumot o‘rnida aytish lozimki, mazkur qayta tayyorlov kursiga Toshkent shahar Maktabgacha ta’lim bosh boshqarmasi tomonidan 816 nafar oliy ma’lumotli talabgorlar jalb etildi.

Shuningdek, respublikaning barcha viloyatlardagi universitet va pedagogika institutlari bazasida Maktabgacha ta’lim muassasalarlarning pedagog va nomutaxassis kadrlari uchun bepul qayta tayyorlash kurslari minglab tinglovchilarni qabul qildi.


Saytda xatoni uchratsangiz, uni belgilab Ctrl+Enter tugmalarini bosing va sayt boshqaruvchisiga xabar bering!